Spirit

Spirit
	Mars rover (es)
Información
Fabricante	Llaboratoriu de Propulsión a Reacción
Parte de	Mars Exploration Rover
Historia
Llaboratoriu de Propulsión a Reacción
Acontecimientos significativos	Llanzamientu espacial (10 xunu 2003) (en Cape Canaveral Space Launch Complex 17A (en) ); surface exploration (en) (en Gusev (es) ); loss of signal (en) (22 marzu 2010) ; retirada del servicio (es) (25 mayu 2011)
Carauterístiques
Fonte d'enerxía	paneles solares en la nave espacial (es) y batería d'ion de litiu
Eslora	141 centímetros y 151 centímetros
Anchor	122 centímetros y 225 centímetros
Altor	154 centímetros
Masa	185 quilogramos

Spirit (que la so designación oficial ye MER-A, Mars Exploration Rover - A) ye'l primeru de los dos robots que forma parte del Programa d'Esploración de Marte de la NASA. La nave aterrizó con ésitu nel planeta Marte a les 4:35 UTC del 3 de xineru de 2004 (MSD 46216 3:35 AMT, 26 Tula 209 Dariano) y remató la so actividá en marzu de 2010, momentu nel que dexó d'unviar comunicaciones. El so ximielgu Opportunity aterrizó con ésitu en Marte'l 24 de xineru de 2004.

Una nube de polvu azotó'l hemisferiu opuestu al del aterrizaxe del Spirit, lo que produció un calentamientu de l'atmósfera, una y bones el polvu en suspensión atrapa calor; tamién causó un estrechamientu de l'atmósfera polo que los responsables de la misión ordenaron al módulu de descensu qu'abriera los paracaíes 2 segundos antes pa compensalo.

Nel llugar d'aterrizaxe del Spirit l'atmósfera tenía más polvu en suspensión del previstu y les temperatures diurnes, anque baxes, yeren 10 °C sobre les previstes. Estos robots lleven unes bateríes de plutoniu pa calecer y asina poder sobrevivir a les fríes nueches marcianes d'hasta -105 °C; pero'l funcionamientu de les bateríes causó un calentamientu de 5 °C, lo qu'obligó a apagar al Spirit escontra'l mediudía marcianu, esta circunstancia, xunida a una rampla ‘airbag' mal plegada, retrasó hasta'l 16 de xineru de 2004 l'intre en que'l Spirit trió'l suelu marcianu.